NY FIANGONAN’I JESOA KRISTY
Fampitaovana ho fanohanana ireo fantsona entina hampitana ny hafatra sy hanamafisana ny fanentanana amin’ny fampandrosoana an’i Madagasikara.Fitaovana maro toy ny solosaina avolenta, vata fahitalavitra, fitaovana fakan-tsary mihetsika, sy “Table de régie” no noraisin-dRamatoa Minisitry ny Serasera sy ny Kolontsaina MARA Volamiranty Donna, androany. Izy ity izay vokatry ny fiaraha-miasa ary natolotry ny Fiangonan’I Jesoa Kristy ho an’ny olomasin’ny andro farany mba hahafahana manatsara sy manavao ireo fitaovana ampiasain’ny haino aman-jerim-panjakana ho nomerika. Hisitraka ireo fitaovana ireo ny rantsa-mangaikan’ny minisitera any amin’ny faritra. Ary ezahana ihany koa ny hanome anjara ho an’ireo haino aman-jery tsy miankina amin’ny fanjakana hijerevana ireo tena miara-misalahy amin’ny resaka fanabeazana sy ny fahasalamana ary ny Kolontsaina hoy hatrany ny Minisitry ny Serasera sy ny Kolontsaina, Mara Volamiranty Donna Mara Donna.
