Notanterahina androany 31 oktobra 2025 tao amin'ny Akademia Miaramila Antsirabe ny lanonana ara-miaramila famoahana amin'ny fomba ofisialy ireo Manamboninahitra miaramila nahavita ny fiofanana avy amin'ny andiany mivantana faha-46 miisa 65 mianadahy, misalotra ny anarana "𝙍𝙖𝙯𝙖𝙛𝙞𝙩𝙤𝙢𝙗𝙤 𝙇𝙚𝙤𝙣 𝙀𝙫𝙖𝙧𝙞𝙨𝙩𝙚" sy ny andiany manokana faha-27 miisa 20 mianadahy, izay misalotra ny anarana "𝙈𝙖𝙨𝙤𝙖𝙡𝙞𝙣𝙖".Nanome voninahitra ny lanona ireo Mpanolotsaina avo efatra mivondrana ao anatin'ny kaomity ambony eo anivon'ny Fiadidiana ny Fanavaozana ny Repoblikan'i Madagasikara, izay nisolo tena ny Filoham-panjakana, ary notronon'ireo tompon'andraikitra ambony eo anivon'ny Tafika sy ny Zandary ary ireo olomanan-kaja Sivily sy Miaramila.Tao anatin'izany indrindra dia natao androany ihany koa ny batemin'ireo andiany mivantana faha-47, izay miisa 62 mianadahy, misalotra ny anarana "𝙑𝙖𝙨𝙞𝙖", sy ny adiany iraisam-piadiana faha-22 miisa 40 mianadahy, mitondra ny anarana "60 𝙖𝙣𝙣𝙞𝙫𝙚𝙧𝙨𝙖𝙞𝙧𝙚 𝙙𝙚 𝙡'𝘼𝙘𝙖𝙙𝙚́𝙢𝙞𝙚 𝙈𝙞𝙡𝙞𝙩𝙖𝙞𝙧𝙚". Ankoatra izay dia nisy ny fametrahana ny vato-fototra ho fanatsarana ny Sekoly ambony sy fanokanana ny "infirmerie" ao amin'ny Akademia nataon'ireo manam-pahefana ambony, taorian'ny famaranana lanona ara-miaramila, tamin'ny alalan'ny matso. Dépêche Informative Taratra