TONTOSA ANDROANY TETSY AMIN’NY FITSARANA TAMPONY ANOSY NY LANONANA ARA-PITSARANA NANATANTERAHANA NY FIAINANA HO AN’IREO TOMPO’ANDRAIKITRA AMBONY MIISA ROA DIA NY TALE JENERALIN’NY ARAI SY NY TALE JENERALIN’NY SAMIFIN .
Nahavita ny fianianany RAJHONSON ANDRIANJATOVO Rado Anjaranirina, Mpitsara, izay voatendry ho Tale Jeneralin’ny ARAI - 𝐴𝑔𝑒𝑛𝑐𝑒 𝑑𝑒 𝑅𝑒𝑐𝑜𝑢𝑣𝑟𝑒𝑚𝑒𝑛𝑡 𝑑𝑒𝑠 𝐴𝑣𝑜𝑖𝑟𝑠 𝐼𝑙𝑙𝑖𝑐𝑖𝑡𝑒𝑠 na Sampan-draharaha misahana ny famerenana amin'ny Fanjakana ny harena azo tamin'ny tsy ara-dalàna, rehefa nitana ny andraikitra maha-Tale Jeneraly mpisolo toerana nandritra ny valo ambin’ny folo volana talohan’izao nandraisany ny asany izao.Tahaka izany ihany koa dia nahavita ny fianianana RAJAONARISON Mamitiana izay Tale Jeneralin’ny SAMIFIN na Sampan-draharaha malagasy iadiana amin'ny famotsiam-bolaVory lanona nanome voninahitra ity fotoana lehibe ity ireo tompon’andraikitra ambony ara-panjakana maro notarihin’ny mpanolotsaina avo eo anivon'ny Fiadidiana ny Fanavaozana ny Repoblika nahitana ny Kolonely ZAFITASONDRY RANOELSON Manantenasoa Marcellin, ny Kolonely RAMPANARIVO Solofoniaina Thierry, ary ny Lietnà Kolonely ANDRIAMIARISOA Gervais.Ankoatra ny Minisitry ny Fitsarana izay mpiahy ity lanonana ara-pitsarana roa sosona ity dia tonga nanotrona ihany koa ireo mpikambana eo anivon’ny Governemanta ka isan’izany ny Minisitry ny Serasera sy ny Kolontsaina GASCAR Fenosoa.
