AKON'NY FANKALAZANA NY ANDRO IRAISAM-PIRENENA HO AN'NY TENINDRENY TANY AMIN'NY FARITRA DIANA
Fankalazaña ny Andra Iraisam-pirenena ho an’ny Tenindreny 2025 – Akon’ny hetsiky tato amin’ny Faritry DIANA
"Tafiditry añatin’ny laharam-pahamehan’ny Minisiteran'ny Serasera sy ny Kolontsaina izay tarihin-dRamatoa Minisitry MARA VOLAMIRANTY Donna ny fampahafantaraña sy fañamêzan-danja hatrany ny Tenindreny.
Noho izeñy, dia voafidy ho lohahevitry ny fankalazaña tamin’ity 21 Febroary 2025 ity:
"TENINDRENY, FOTO-PAHALALAÑA SY FANDROSOAÑA"
ANTSIRAÑANA – Fampianaraña sy famelabelaran-kevitry mömba ny tontolon’ny teny malagasy avy avaratra ndraiky Kabary tao amin’ny Lisea Ambohimitsinjo, niarahaña tamin’ny Sampan-draharahan’ny Kolontsaina, DRCC DIANA ary FIMPIMA.
AMBILOBE – Fifaninanaña famakiana sy dikasoratra narahina fañamêzaña mari-pankasitrahana ho fahatsiarövaña. Hetsiky fampahafantaraña sy fandrisihaña natao mivantana tamin’ny radio sy fahitalavitry.
AMBANJA – Fampahafantaraña tamin'ny Radio sy fanentañana natao tañy an-tsekoly niarahaña tamin’ny Delegasionan’ny Serasera sy Kolontsaina Ambanja.
NOSY BE – Hetsika fankalazaña niarahaña tamin’ny CISCO, natao tao Bemahondrobe.
AÑIVORANO (ANTSIRAÑANA II) – Fanaovaña "Radio Trottoir" sy famelabelaran-kevitry narahin' adihevitry mömba ny lanjan’ny Tenindreny aty amin’ny faritry avaratra.
Hetsiky mitohy mandavan-taoño!
Tsy mijanoño amin’ny 21 Febroary fo' ny hetsiky, fa hotohizaña amin’ny alalan’ny fandaharanasa marolafy ho fampiroboroboaña sy fañamezan-danja ny Tenindreny sy ny fitenim-paritry, izay mirakitry tantara, soatoaviñy ary haren-tsaiñy mampiavaka isam-paritry.
Ny fampiroboroboaña ny Tenindreny dia fitandroaña ny tantarantsika sy ny lovantsika ara-kolontsaiñy!
#MSK
#Tenindreny2025 #Fampiroboroboana #Kolontsaina #HarenTsaiñy #DRCCDIANA
