NY VAKY BOKY
Ao anatin'ny ezaka fampiroboroboana ny vaky boky dia nandray fanomezana boky miisa 490 baoritra avy amin'ny Kaomina Tampon ao amin'ny Nosy La Réunion, androany 17 Jona 2025 tetsy amin'ny Tranombokim-pirenena Anosy ny Minisitry ny Serasera sy Kolontsaina MARA Volamiranty Donna notronin'ireo mpiara-miasa aminy. Izao dia vokatry ny fiaraha-miasa teo amin'ny Tranombokim-pirenena eto Madagasikara - BNM sy ny Fikambanana APIC (Association pour la promotion des Initiatives Citoyennes) ary ny Médiathèque ao amin'ny Kaomina Tampon. Ho entina manampy ny tahirim-boky azo vakiana ao amin'ny tranombokim-pirenen'i Madagasikara ao Anosy ny ampahany amin'ireo boky ireo. Hisy koa ny ho zaraina any amin'ny faritra.Vokatry ny fifandraisana mahomby aty amin'ny Ranomasimbe indiana izao ary mariky ny fiaraha-miasa sy ny fifandraisana mari-pototra eo amin'i Madagasikara sy La Réunion hoy Ramatoa Minisitra nandritra ny fandraisany fitenenana.
