𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐[𝑭𝒂𝒉𝒂-22 𝒋𝒐𝒏𝒂 2025]Amin’izao dian’asa ataon’ny Praiminisitra, Lehiben’ny Governemanta Ntsay Christian eto Luanda, Angola izao dia nihaona tamin’ny Tale nasiônaly misahana ny fandaharanasan’i Afrika ao amin’ny Carnegie Endowment for International Peace ao Washington D.C, Ramatoa Zeinab Usman ny tenany. Io ivotoerana io moa dia anisan’ireo mpandinika sy mpamolavola pôlitika matanjaka any Etazonia. Nifantoka tamin’ny fijerena lavitr’ezaka mikasika ny fanavaozana ny AGOA na ny “African Growth and Opportunity Act” ny resaka nifanaovan'ny roa tonta; izay mikendry ny hanamafisana ny fiaraha-miasa stratejika eo amin’i Madagasikara sy Etazonia. Ankoatra izany koa ny fanatsarana ny sehatry ny fampiasam-bola lehibe, ary ny fitrandrahana sy fitantanana maharitra ireo akora manan-danja stratejika (critical minerals) izay anisan’ny harena iankinan’ny toekarana maneran-tany amin’izao fotoana izao.Maneho fahatokisana amin’ny politikam-pirenena mazava amin’ny fampiroboroboana ny indostria ary ny fahaiza-mitantana eto Madagasikara ity fihaonana ity, sady manamafy ny toeran’ny firenena ho mpiara-miombon’antoka azo itokisana eo amin’ny sehatra iraisampirenana.𝗡𝘆 𝗦𝗲𝗿𝗮𝘀𝗲𝗿𝗮