𝑳𝒂𝒑𝒂𝒏'𝒊 𝑴𝒂𝒉𝒂𝒛𝒐𝒂𝒓𝒊𝒗𝒐[𝑭𝒂𝒉𝒂-24 𝒋𝒐𝒏𝒂 2025]Nanao dinik’asa manokana niaraka tamin-dRamatoa Constance Hamilton, tomponandraikitra ambony amerikana misahana an'i Afrika eo anivon'ny US-Trade Representative, izay eo ambany fifehezan'ny Filoha amerikana, ny Praiminisitra, Lehiben’ny Governemanta Ntsay Christian, teto Luanda, Angola. Nifandinihina mivantana nandritra izany fotoana izany ny haban-tseranana 47% sy ny hoavin’ny AGOA aorian’ny volana septambra 2025. Noresahana lalindalina ny fiantraikan’ireo teboka roa ireo eo amin’ny toekarena sy ny lafiny sôsialy. Nifandinihana ihany koa ny tokony hametrahana fomba fijery stratejika lavitr’ezaka eo amin’ny andaniny sy ankilany amin’ny lafin'ny toekarena.Nankasitrahana ny dinika natao, satria samy nahatsapa ny roa tonta fa misy ny vahaolana mahomby sady maharitra izay naroso, mba hanatsarana hatrany ny fifaneraserana ara-barotra sy ny fisarihana ny fampiasam-bola eo sehatry ny indostria eo amin'i Madagasikara sy Etazonia. Hanaraka hatrany ny fivoaran’izao dinika natao izao sy ny fanapahan-kevitra rehetra hifanandrify amin’izany isika eto Madagasikara.𝗡𝘆 𝗦𝗲𝗿𝗮𝘀𝗲𝗿𝗮