𝑴𝒂𝒉𝒂𝒌𝒂𝒔𝒊𝒌𝒂 𝒏𝒚 𝒇𝒂𝒏𝒆𝒏𝒅𝒓𝒆𝒏𝒂 𝒊𝒓𝒆𝒐 𝒎𝒑𝒊𝒌𝒂𝒎𝒃𝒂𝒏𝒂 𝒗𝒂𝒐𝒗𝒂𝒐 𝒊𝒛𝒂𝒚 𝒎𝒂𝒏𝒅𝒓𝒂𝒇𝒊𝒕𝒓𝒂 𝒏𝒚 𝑮𝒐𝒗𝒆𝒓𝒏𝒆𝒎𝒂𝒏𝒕𝒂.Nisy ny dinika niarahan'ny Filohan'ny Fanavaozana ny Repoblikan'i Madagasikara tamin'ireo hery velona rehetra eto Madagasikara mialohan'izao fanendrena izao.Nomena roa volana ny mpikambana ao amin’ny Governemanta mba hanatanteran'izy ireo ny politikam-panjakana fohy ezaka. Manana tamberin’andraikitra ary ho takiana vokatra ny tsirairay, hoy ny Filohan’ny Fanavaozana ny Repoblika, ka tsy maintsy hiroso amin'ny fanoloana ho an'ireo izay tsy mahavita izany.𝑯𝒂𝒇𝒂𝒕𝒓𝒂 𝒉𝒐 𝒂𝒏’𝒊𝒓𝒆𝒐 𝒎𝒊𝒏𝒊𝒔𝒊𝒕𝒓𝒂 𝒎𝒂𝒏𝒅𝒓𝒂𝒇𝒊𝒕𝒓𝒂 𝒏𝒚 𝑮𝒐𝒗𝒆𝒓𝒏𝒆𝒎𝒂𝒏𝒕𝒂𝒏’𝒏𝒚 𝑭𝒂𝒏𝒂𝒗𝒂𝒐𝒛𝒂𝒏𝒂 𝒏𝒚 𝑹𝒆𝒑𝒐𝒃𝒍𝒊𝒌𝒂Namela hafatra ho an’ireo mpikambana ao amin’ny governemanta ny Filohan’ny Fanaovaozana ny Repoblika. Nambarany fa :• Mitaky vokatra sy fahendrena amin’ireo mpikambana ao amin’ny Governemanta ny vahoaka, mba ho mendrika ny fitokisana izay napetraka. • Mila manompo vahoaka fa tsy tompoina, ary mila mihaino ny feon’ny vahoaka.• Tsy hisy ny fandeferana ho an'izay Tompon'andraikitra ara-panjakana tratra manao kolikoly na minia mbola manohy ireo fomba ratsy mambotry  Firenena. Ny tombotsoa ambonin'ny Firenena hatrany no mila katsahana.• Ho takiana ny fivoaran’ny asa sy ny vokatra mivaingana avy amin’ny asa ary tsy ho an’ireo minisitra ihany fa ho an’ny mpiasam-panjakana rehetra ihany koa.Nanao antso avo ny Filohan'ny Fanavaozana ny Repoblikan'i Madagasikara, ny amin'ny fandrasaina mendrika ny vahoaka malagasy rehetra tsy ankanavaka eny anivon'ny biraom-panjakana rehetra sy ireo Ministera : Aoka izay ny fiavonavonana amin'ny vahoaka malagasy amin'ny fandraisana azy ireo, hoy ny Filohan’ny Fanavaozana ny Repoblika, ary aoka isika hampanaja ny lalàna velona sy hametraka fiaraha-miasa madio sy mahomby.©️ Présidence de la Refondation de la République de Madagascar - PRRM