[24 𝘑𝘢𝘯𝘰𝘢𝘳𝘺 2026]𝙉𝙖𝙢𝙖𝙣𝙩𝙖𝙩𝙧𝙖 𝙣𝙮 𝙤𝙡𝙖𝙣'𝙣𝙮 𝙢𝙥𝙖𝙣𝙙𝙧𝙖𝙝𝙖𝙧𝙖𝙝𝙖 𝙖𝙧𝙖-𝙗𝙖𝙧𝙤𝙩𝙧𝙖 𝙖𝙣𝙮 𝘼𝙣𝙩𝙨𝙞𝙧𝙖𝙗𝙚 𝙣𝙮 𝙈𝙞𝙣𝙞𝙨𝙞𝙩𝙧𝙖 𝙃𝙖𝙞𝙣𝙜𝙤𝙩𝙞𝙖𝙣𝙖 𝘼𝙉𝘿𝙍𝙄𝘼𝙈𝘼𝘿𝙄𝙎𝙊𝙉, 𝙝𝙖𝙝𝙖𝙛𝙖𝙝𝙖𝙣'𝙣𝙮 𝙈𝙞𝙣𝙞𝙨𝙞𝙩𝙚𝙧𝙖 𝙩𝙖𝙣𝙩𝙖𝙣𝙞𝙣𝙮 𝙢𝙖𝙣𝙖𝙤 𝙩𝙖𝙣𝙩𝙨𝙤𝙧𝙤𝙠𝙖, 𝙝𝙞𝙩𝙨𝙞𝙣𝙟𝙤𝙫𝙖𝙣𝙖 𝙣𝙮 𝙢𝙥𝙖𝙣𝙟𝙞𝙛𝙖.Ministère du Commerce et de la Consommation Tany Antsirabe, any amin'ny Faritra Vakinankaratra, no nanatanterahan'ny Minisitry ny Varotra sy ny Fanjifana (MCC) ny toromariky ny Filohan'ny Fanavaozana ny Repoblikan'i Madagasikara, amin'ny fidinana ifotony ijerena ny zava-misy iainan'ny vahoaka, ahafahana manampy azy ireo.Tamin'ny alalan'ny Atrikasa tao amin'ny Efitrano malalaky ny Prefektioran'Antsirabe no nifanakalozany tamin'ireo mpivarotra mpamongady, mpaninjara, ary mpanafatra entana ka nanantitranterany ireo fepetra tsy maintsy raisina manoloana ny fisian'ny entana lany daty, ny fomba fitehirizana iantohana ny hatsaràn'ny entana, ary ny fametrahana ny vidin'entana ho hitan'ny mpanjifa.Fotoana koa io nampahatsiahivana ny andraikitry ny Minisitera misahana ny Varotra amin'ny fanatanterahana ny politikam-panjakana hisian'ny fifaninanana madio anatin'ny fanajàna ny Lalàna.Nahitsy ireo mpandraharaha tamin'ny fametrahana fanontaniana nanitikitika azy ireo toy ny fitadiavana lalam-barotra ho an'ny vokatra any amin'ny Faritra, sy ny fanamaivanana ny fepetra ahafahan'izy ireo manatanteraka ny asany.Nitohy avy hatrany tamin'ny fitsidihana ny tsenan'Asabotsy izany, izay nitsirihana ireo mpivarotra. "Misy ireo mpandraharaha ara-barotra izay mbola mila harenina mba hanaraka ny fepetra hitsinjovana ny mpanjifa. Nisy ny fanabeazana nataonay rehefa nidina tety", hoy ny Minisitra Haingotiana ANDRIAMADISON.Tamin'izao dia tany Antsirabe izao koa no nanolorany fanitso hanarenana ny takaitra navelan'ny haintrano ny volana Septambra tamin'ny taon-dasa tao amin'ity tsenan'Asabotsy ity. Nisolo vava ny mpivarotra, nankasitraka izany fihetsiky ny Minisitra misahana Varotra izany ny Lehiben'ny Tsena.Nanotrona ny Minisitry ny Varotra sy ny Fanjifana tamin'izany rehetra izany ireo manampahefana any an-toerana toy ny Solombavambahoaka, ny Lehiben'ny Faritra sy ny Prefen'Antsirabe ary ny Ben'ny Tanàna.Nambaran'ny Minisitra Haingotiana ANDRIAMADISON fa misokatra hatrany amin'ny rehetra ny Minisitera misahana ny Varotra sy ny Fitaleavam-paritry ny Varotra sy ny Fanjifana (DRCC) raha misy trangan-javatra mbola tokony hitadiavana vahaolana.