FAMPITAM-BAOVAO: MCC

FAMPITAM-BAOVAO

F𝐚𝐦𝐩𝐚𝐡𝐚𝐟𝐚𝐧𝐭𝐚𝐫𝐚𝐧𝐚 𝐚𝐦𝐢𝐧’𝐧𝐲 𝐚𝐧𝐤𝐚𝐩𝐨𝐛𝐞𝐧𝐲 𝐧𝐲 𝐦𝐚𝐧𝐨𝐝𝐢𝐝𝐢𝐧𝐚 𝐧𝐲 𝐟𝐢𝐡𝐚𝐨𝐧𝐚𝐧𝐚 𝐚𝐧-𝐭𝐚𝐦𝐩𝐨𝐧𝐲 𝐟𝐚𝐡𝐚 𝟒𝟓 𝐧’𝐧𝐲 𝐒𝐀𝐃𝐂 𝐚𝐧𝐢𝐨 𝟐𝟑 𝐉𝐨𝐥𝐚𝐲 𝟐𝟎𝟐𝟓.Notanterahina androany ny fampahantarana ofisialy ireo fandaharam-potoana sy ny tetiandro mandritra ny fihaonana an-tampony faha 45 n’ny SADC izay hatao eto Madagasikara ny 3 hatramin'ny 18 Aogositra 2025.Ivon'ity fihaonana iraisam-pirenena ity ny fitarihan'ny Filohan'ny Repoblikan'i Madagasikara Andry Rajoelina ny Vondrona SADC.Nitondra fanazavana manoloana ny mpanao gazety tetsy amin'ny foibe fandrindrana ny fandraisana ny fihaonana an-tampon'ny SADC tetsy amin'ny Kianja Barea Mahamasina ny Minisitry ny Serasera sy ny kolontsaina MARA Volamiranty Donna, ny Minisitry ny Raharaham-bahiny RAFARAVAVITAFIKA Rasata ary ny Minisitry ny Fampianarana Ambony sy ny Fikarohana Ara-tsiansa, CHAMONAH Loulla. Nandritra izany no nampahafantarana sy namelabelarana ny lohahevitry ny fihaonana dia "Promouvoir l'industrialisation, la transformation agricole et la transition énergétique pour une SADC résiliante " Hisy ihany koa ny kaonferansa iraisam-pirenena lehibe hatao eny anivon'ny Oniversiten'Antananarivo hiarahana amin'ireo manam-pahaizana sy ireo mpikaroka malagasy sy vahiny izay hetsika eo ambany fiahian'ny Filohan'ny Repoblika, Andry RAJOELINA.Sambany eo amin’ny tantaran’i Madagasikara ny hampiantrano io fihaonana an-tampony izay andraisan’ny firenena 16 anjara io ary maro ny tombontsoa hositrahan’ny vahoaka Malagasy amin’izany. Tanjona ny hampahafantarana ny zava-bitan’ny SADC, hanamafisana ny fiaraha-miasa ara-paritra na amin'ny lafiny fifanakalozana ara-barotra, ny fametrahana fandriampahalemana, fampiroboroboana ny indostria, fanatsarana ny fambolena, ary hanohanana ny fikarohana eny amin’ny anjerimanontolo.