FIFANINANANA NASIONALY ARA-PANATANJAHANTENA HO AN' NY MPIASAM-PANJAKANA
Nisokatra tamin’ny fomba ofisialy ny zoma 01 aogositra 2025 tao amin’ny Village Touristique Mahajanga ny fifaninanana nasionaly ara-panatanjahantena ho an’ny mpiasam-panjakana (ASIEF 2025) izay haharitra hatramin’ny 15 Aogositra 2025.Nandray anjara sy nanome voninahitra ny lanonana ny solontenan’ny Minisitera sy Andrim-panjakana rehetra manerana an’i Madagasikara, maneho ny fiombonan’ny mpiasam-panjakana. Isan’izany ny Minisitry ny Serasera sy ny Kolontsaina, Ramatoa MARA Volamiranty Donna . Ny tanjona lehibe amin’ny ASIEF dia ny hanamafisana ny firahalahiana sy ny fiarahana miasa amin’ny alalan’ny fanatanjahantena, izay manampy amin’ny fanabeazana ara-tsaina sy ara-batana ary mampivelatra toe-tsaina mifaninana anaty fifankatiavana eo amin’ny samy mpiasam-panjakana.Aza hadinoina ny manaraka ny fandaharana "Miara-mientana" anio Sabotsy 02 Aogositra 2025 amin’ny 6 ora sy 15 minitra hariva, izay hivahinianan-dRamatoa Minisitry ny Serasera sy ny Kolontsaina, MARA Volamiranty Donna, amin'ny Radio Madagasikara RNM 99.2 MHz sy ny radio tsy miankina maro manerana ny nosy miainga mivantana avy any Mahajanga.
