09 DESAMBRA 2025 | ANDRO IRAISAM-PIRENENA HIADIANA AMIN'NY KOLIKOLY , MINISITERAN'NY RAHARAHAM-BAHINY ANOSY.
Nankalazaina androany teny amin’ny Minisiteran’ny Raharaham-bahiny Anosy ny andro iraisam-pirenena iadiana amin’ny kolikoly. Notanterahina teo ambany fiahian’ny Filohan’ny fanavaozana ny Repoblikan’i Madagasikara, Michaël RANDRIANIRINA. Ireo Mpanolotsaina Avo, ny Kolonely RAMPANARIVO Thierry, ny Kolonely ZAFITASONDRY RANOELSON Marcellin ary ny Lietnà Kolonely ANDRIAMIARISOA Gervais no nisolo tena ny Filohan’ny Fanavaozana tamin’izany. « Miaraka amin’ny tanora amin’ny ady amin’ny kolikoly : hamolavola ny mangarahara ho an’ny ampitso » no lohahevitra nentina nankalazana izany.Nanambara ny Kolonely RAMPANARIVO Thierry fa manimba ny fiarahamonina sy ny rafitra maro ny kolikoly, ary mbola mila ezaka henjana sy iombonana ny ady atao amin’izany, mba hahazoana vokatra tsara.Nandritra izany dia nisy ny fifanaovan-tsoniam-piarahamiasa teo amin’ny BIANCO sy ny Minisiteran’ny Fampianarana ambony sy ny Fikarohana Ara-tsiansa ary teo amin’ny BIANCO sy ny Fikambanana iraisam-pirenen’ireo tany mampiasa ny Teny Frantsay (OIF). Mba hanamafisana ny mangarahara sy hanatsarana ny rafitra fiarovana amin’ny kolikoly dia nandefa ny solontenany nanao fanambaram-pananana ireo mpikambana sasany teo anivon’ny governemanta:- Andriamatoa Praiminisitra- Ramatoa Minisitry ny Raharaham-bahiny- Andriamatoa Minisitry ny Atitany sy ny Fitsinjaram-pahefana- Andriamatoa Minisitry ny Toekarena sy ny Fitantanam-bola- Andriamatoa Minisitry Fanajariana ny Tany sy ny Raharahan-tany- Ramatoa Minisitry ny Fahasalamam-bahoaka - Andriamatoa ny Fampianarana Ambony sy ny Fikarohana Ara-tsiansa- Ramatoa Minisitry ny Fanabeazam-pirenena- Andriamatoa Minisitry ny Fambolena sy ny Fiompiana- Ramatoa Minisitry ny Varotra sy ny Fanjifana- Ramatoa Minisitry ny Asa, ny Fampananan’asa sy ny Asam-panjakana- Andriamatoa Minisitry ny Fitaterana sy ny Famantarana ny Toetr'andro- Andriamatoa Minisitry ny Harena an-kibon’ny tany- Andriamatoa Minisitry ny Asa Vaventy- Andriamatoa Minisitry ny Jono sy ny Toekarena Manga- Andriamatoa Minisitry ny Tontolo Iainana sy ny Fampandrosoana Lovain-jafy- Ramatoa Minisitry ny Mponina sy ny Firaisankina- Andriamatoa Minisitry ny Tanora sy ny FanatanjahantenaNanambara ny Tale Jeneralin’ny BIANCO fa vao sambany no nisy Filoham-panjakana tonga nanotrona ny andro iraisam-pirenena momba ny ady amin’ny kolikoly, izay manamarika ny finiavana hiady amin’ny kolikoly izany. Nitodika manokana tamin’ny tanora izy satria ny tanora no antoky ny ampitso.Notsiahivin’ny Minisitry ny Fampianarana Ambony sy ny Fikarohana Ara-tsiansa fa baiko mazava avy amin’ny Filoham-panjakana ny fampiharana "tolérance zéro" amin’ny kolikoly amin’ny endriny rehetra.
