Fandraisan'Andriamatoa Minisitry ny Serasera sy Kolontsaina ny 𝐒𝐨𝐥𝐨𝐧-𝐭𝐞𝐧𝐚 𝐦𝐚𝐡𝐚𝐫𝐢𝐭𝐫𝐲 𝐧𝐲 𝐕𝐨𝐧𝐝𝐫𝐨𝐧'𝐧𝐲 𝐅𝐢𝐫𝐞𝐧𝐞𝐧𝐚 𝐦𝐢𝐭𝐞𝐧𝐲 𝐅𝐫𝐚𝐧𝐭𝐬𝐚𝐲 (Organisation Internationale de la Francophonie).Nitsidika ny Minisitry ny Serasera sy Kolontsaina Mandrindrarivony Ogascar Fenosoa ihany koa ny masoivoho sady solon-tena maharitry ny vondron'ny firenena mampiasa ny teny frantsay (Organisation internationale de la Francophonie) ho an'ny faritry ny Ranomasimbe indiana Traian- Laurentiu Hristea. Amin'ny 𝐬𝐞𝐡𝐚𝐭𝐫𝐲 𝐧𝐲 𝐤𝐨𝐥𝐨𝐧𝐭𝐬𝐚𝐢𝐧𝐚, dia nifantohan'ny resaka ny fanohizana ny tetik'asa CLAC (Centre de Lecture et d'Animation Culturelle), izay natao indrindra hampanakaikezana ny 𝐟𝐚𝐦𝐚𝐤𝐢𝐚𝐦-𝐛𝐨𝐤𝐲 𝐞𝐧𝐲 𝐢𝐟𝐨𝐭𝐨𝐧𝐲. Ho 𝐬𝐨𝐧𝐢𝐚𝐯𝐢𝐧𝐚 tsy ho ela ny fanavaozana ny 𝐟𝐢𝐟𝐚𝐧𝐚𝐫𝐚𝐡𝐚𝐦-𝐩𝐢𝐚𝐫𝐚𝐡𝐚-𝐦𝐢𝐚𝐬𝐚 momba izany, ka isan'ny hampihavaka izao fiaraha-miasa havaozina izany ny ho fampiasan'ireny CLAC ireny fitaovam-pamokarana angovo azo avaozina. Amin'ny sehatry ny 𝐬𝐞𝐫𝐚𝐬𝐞𝐫𝐚 kosa indray dia naneho ny fahavononany hifanampy amin'ny minisitera hiatrika ny 𝐚𝐝𝐲 𝐚𝐦𝐢𝐧'𝐧𝐲 𝐟𝐚𝐦𝐩𝐢𝐞𝐥𝐞𝐳𝐚𝐧𝐚 𝐯𝐚𝐨𝐯𝐚𝐨 𝐝𝐢𝐬𝐨 (lutte contre la desinformation) ny vondron'ny firenena mampiasa ny teny frantsay (OIF), ka tetik'asa miompana amin'ny 𝐟𝐚𝐧𝐚𝐛𝐞𝐚𝐳𝐚𝐧𝐚 𝐧𝐲 𝐨𝐥𝐨𝐧𝐚 𝐡𝐚𝐡𝐚𝐲 𝐡𝐚𝐦𝐩𝐢𝐚𝐬𝐚 𝐢𝐫𝐞𝐨 𝐟𝐢𝐭𝐚𝐨𝐯𝐚𝐧-𝐭𝐬𝐞𝐫𝐚𝐬𝐞𝐫𝐚 𝐬𝐲 𝐡𝐚𝐡𝐚𝐲 𝐡𝐚𝐧𝐣𝐢𝐟𝐚 𝐢𝐫𝐞𝐨 𝐭𝐨𝐫𝐨𝐡𝐚𝐲 (Educations aux Médias et à l'Information) no hiarahan'ny roa tonta mamolavola.Ankoatra izay dia nanamafy ny fahavononany hiara-hiasa amin'ny minisitera amin'ny fanantsarana ny lalana mifehy serasera amin'ny haino aman-jery sy amin'ny famitàna ilay volavolan-dalàna hifehy ny zo hisitraka torohay eny anivon'ny sampan-draharaham-panjakana ihany koa ny masoivoho sady solon-tena maharitry ny OIF eto amin'ny faritry ny Ranomasimbe Indiana.